USA ah Tg. Go Kim Lian te U Nau in Inn lei thak Lungdampihna

Dear All,

Lungdampihna tawh akua mah ciat in ih theihsa mah bang in Tukha 4/ 23/2013 ni-in Tg Go Kim Lian & Tg Dam Khan Hau te U nau in Nashville, Tennessee, Music City khuapi sung ah Taih Inn hoih mahmah khat hong lei thei uh a, Tu in Tua mun ah ki tuah khinta uh hi. USA ah Tuimangta te inn nei hong ki behlaplap ahih man in nuam mahmah hang. Tua ban ah Pa Thang Khan Gen te innkuan in zong taih inn hoih mahmah khat hong lei thei uh a, Biaktungte sang khak khit ciang lut thei lian ding uh hi ta hi, hih inn nihte a ki cian mahmah inn lei khin hi uh a, tua lo inn lei ding a zongzong- zong. om lai ahih man in azong ahih man in hunkhat ciang hong mu ding uh hi. cih lungdampihna kong gelhsawn hi.

 
Tangval Kim Lian in Thupha ih cih cih pen Nu&Pa tung ah om hi cih a gen theihzel mah bang in, Ihkhua Tuimang Zion pawlpi UPC apian theih na ding a mapang mahmah khat leh UPC asuak masa ahih lam ka phawk mahmah hi. 1987 kum, kum thak pawi a zat ding in Pa Piang Khan Pau & Pa Gin Sial Lian te gel Luangel khua ah Sahawk pua ding in Tuiphumpawlpi Upate in nasawl uh a, Amauzong Pawlpi mite leh Pasian a itna in Thumang tak in Hanbawm khattuak tawh Luangel Khua ah sahawk pua ding in na pai uh hi. Tua thu a om ciang in Gospel hong pai ahi Sia Cin Za Lian LEH Sia Dam Ngaih Cin ( Pa Cin ) ih cih te in zong atheih ciang in nazui ving veng uh a, Pawlphut ding cih alung-gulhna uh mah bang in tua ni-in a mau nih UPC pawlpi na suaksakpah uh hi. Tu in Ihkhua ah UPC zong ki cing mahmah ta a, Tuimang khua UPC a om theihna ding a lam hong sial leh UPC Pawlpi hong phut a suak masa pen uh ahihi. Tua hun a, agen theihna te uh a manggilhzo ding in tu in Pawlpi mi, Mipil, Misiam Tampi tak hong om ban ah Atate in USA ah inn neita cih pen a lung nop mahmah na ding thu ahi hi. cih a tom in a bul deuh teng hong gelhpak hi ingh. Lungdampihna tawh.

Mr. Hau Khai.

THEL~NAH.

TM-BC Biakinn kong hon pawi leh ZBCM kum cin 14 veina

Dear All

 

Pasian in Zomite hong om pih in thupha hong piakna leh ih lametzawh loh ding gelnate ih gelna bang in hong tangtunpih ahih man in Pasian hong ompihna leh Ih thungetna ih sepkhiatnate hang in March 29-31 hun sung in Zogam mualdawn mualtung a teng ahi Tuimang khua, Tuimang Baptist Church taih-inn, Biakinn pi kong honna leh ZBCM kumcin khawmpi 14 vei na khawmpi tawh ki thuah khawm ding ahih man in Ahunlap in sumlehpai, van tuamtuamtuam tawh hong mapang khawm na hih man un tu in Biakinn kizo in kong honpawi a ki bawlzo ahi hi.

1896 kum in Pu DONG KHUP in Vangteh khua pan in Tuimang khua hongsat hi.

1924 kum in Tuimang Tuiphum pawlpi Tuimang Baptist Church Hong ki phut hi. Hih kum pan in tu in Pasian in a ma minphatnading in Taihinn pi hong pia in Konghon pawi ah hong ki helzolo ding muntuam gamtuam a om a kua mahpeuh in nong etsak na ding uh ci-in Photo man khat hong khah khia ingh. Tuimang khua ah Pawlpi 3 om in ki thutuak mahmah uh hi.

1. 1896 Kum in Pu Dong Khup in Tuimang khua hongsat hi.

2. 1924kum in Tuiphum pawlpi kiphut hi. Tuimang Baptist Church.

 

3. 1961 kum in RC Pawlpi kiphut hi.

4. 1988 kum in UPC Pawlpi kiphut hi.

5. 1996 Kum in Tuimang khuasat kum 100 cin na pawipi khuazangbup pi in ki bawl hi.

 

6. 2003 kum in Tuimang khua ah Lawki beisiang ta hi.

7. 2005 kum in Tuimang khuazangbuppi-in Anungta Pasian kibia in Christian khua a suahna lungdamkohna Pawipi khuazang buppi in ki bawl hi.

 

Biak in lam na ding in set cih bang om lo ahih man in Tha gui, tha tang mah zang in Gimpi pi man in akisem ahih man in Hong gualzawhpih Topa tuang leh Zomi khempeuh tung ah lungdamna thu kong puak sawn hi. Zogam giabang zun ciat ni. Zogam ah Taihinn golpipi, Biakinn Golpipi, Zum golpipi Ulian tampipi, Mihau tampipi, hong piangna Zogam hita hen. Lungdam luatna tawh lai honggelh ingh. kaisuk suak leng a nuai ah photo ki en thei ding hi.

Mr. Hau Khai.

TUIMANG.

Nashville, Tennessee USA