Sanggam te TUIMANG KHUA PAWIPI.
Hausa min leh Sang min tawh hong kikhak nailoh hangin Sia Cin Deih Thang te neih laipi mah deihsak na tawh a Copy nuam peuhpeuh Copy theih dingin U Cin Khawm Hau in hong pua hi. Khua lam a ciah ding a om leh Sia Thang te CD pen khak kik ding ahihi. Tu in ko kiangah om hi.
Tan 10 ngah lungdam kohna Video ka et lakpan ka tha ngah pawl khat
Video ziah pa in a ma tha ngah bangbang in ziah ahiman in tha ngah huai mahmah hi. Ahi zongin a hun pailai tak in khuasung a Motorcycle te khawngin hong helh gawp ciangin a hun pai na bei mang zel hi. Ei tha ngah bangbang tawh i khua ading in ki ngah mahmah aa, a hoih ding i sep nak leh aban a puahsiam ding kisam to zel hi.
1. Sia Cin Deih Thang in, " ka pianna, ka khankhiatna, ka neu lai u te ka kineihna, nungak ka helna ka khua ka tui ah hih bang hun pha ka ngah manin lungdam mahmah ing," hong cih ciangin i mit kha ah i khuasung khawng aa U te i kineih khawng, Nungak i hel khawng, Sang i khak khawng te ka phawk sansan aa ka ngaihsutna hong vak dandan hi.
2. Sia Cin Do Piang in, " Tonzang panin Lambu pa Jeep Moto tawh kong tuang to uh aa, khuaveng, kua kim aten Tuimang ten tu in Tan 10 ngah sawnsawn...sawnsawn," acih ciangin ka beng( Ka Bil) in khua veng te aw hong zasak mahmah hi. Thupha a ki ngah to beh laiding hi aa, tua sungah hong mapi den Topa manggilh lo aa i kalsuan ding mang gilh kei ni. Lungdam koko ni.
3. Siapi Langh Khan Suum in, " Tan 10 i ngah theih na dingin khatbek in vaihawm theilo aa, khatbek vaihawm na tawh bang mah piang theilo hi. Tu in zong i ngah theihna dingin phalna hong pia toto, i sia makai te hong paitheih manin i lungdam mahmah hi," acih ciangin LSTho sungah khatbek ciangin botkhiat nop acih hong phawk sak mahmah aa, khat bek tawh vai piang theilo hi cih hong ki telsak semsem hi. Angsung bek thei kha in "Ei" ki cihcih laiteng vai thupi piang theilo ding na hihi.
4. Tuimang Tan 10 lawpna Gan a go ten, " Ka khua ka tui ah Mipil, Misiam hong khang semsem na hi ta hen," cih kam mal thupi pawl khat ka zak ciangin pilna, hauhna zongte adingin lungdam huai, lung kim huai pha mahmah hi cih mu khia ka hih manin tha na ngah mahmah ing. Ka tha dim tuam mahmah hi.
5. Tuimang Model Nungak no suah dikdek mi 10 te in, hong lahkhiat uh ciangin " Tg Khen Hau Khai in i khua a nungak om tengteng man(photo) et theih dingin om leh hoih ding hi acih ka phawk mahmah hi. Zogam mualdawn panin Model hoih mahmah i muh ciangin papi pawlkhat in ka tangval lai, hi leh maw ci ding uh aa, Tangval khua ah aom kha lo te in khua ah ka om laitawh ki tuak zen leh maw ci ngaungau ding uha, Tangval aom sunteng eng mahmah ding uh hi. Mu kim ciat leng a hoihna ki tel semsem aa, Ngaih Ang Lai sung mah bangin, Singdang paal, Sakmel a lawm zong, Zotawi(Mangtui vontawi) lainu mah sakmel etlawm zaw ee ci ngaungau ding hi hang, en kim ciat ni.
6. Tuimang Tanu, Tapa ten Zaila hoih nono tawh Zolengthe bangin hong kuang valval tak ciangin sum leh paai neih i leng i khua panin lasiam minthang om thamding hi cih ka muh ciangin dahsim mahmah ing. Khaileh...., Gamdang tung sa ten i ngaihsut thamding tampi om ta hi. Thupha i ngah laitak hi aa, pai toh hanhan ding a hihi.
Aban tampi om lai azop nuam peuh in zopto ciat ni.
Lungdam mahmah hang ei
Thawn Tuang.
Tuimang net moderator.
No comments:
Post a Comment