THEL NAH. 2011.
THUM KI GAWM PASIAN KHAT !!
Pasian khat bek om hi. Pa, Tapa, leh Khasiangtho te Mi mal thum kigawm in a kipden Pum khat a hi uh hi. Pasian in a si theilo, Vangliatna khempeuh a nei, na khempeuh a thei, na khempeuh tung ah alian, mun khempeuh a om thei Mihingte theih telzawh loh Mong nei lo Topa hi napi- in Amah mah hongki tel lah khiatna hang in ki theithei veve hi. A mahpen a tawntung a biak tham cing mahmah leh, zahtaak cing a piangkhia khempeuh in a ma na ihsep ding a hihi.
Pasian khatbek om hi na pi-in, Amahpen Lutang thum kigawm hi a, Pa, Tapa, Khasiangtho te a hi uh hi. Ci-in Laisiangtho in hong genziau lel a, Tua thum kigawm Pasian a hih na Vai thu thuk lamdang pen Telkheh in hong gen lo hongpu laak tuan lo hi.
# Topa Pasian pen Khatbek hi. Thkna=6;4
# Piansak nasepna ah Athum in akop uh hi. Piancil=1;1-2, Johan 1;1-14.
#Zeisu ki tuiphum lai in Tua Thumte hong om ciat uh a hih na Teci kimu hi. Matthai =3;16-17.
#Khristian te in aki Tuiphum uh ciang in tua Thumte min lo kim uh hi. Matthai=28;19-20
#Sawltak te Thuphasapna ah Lutang thumte hong dawksak hi. 2Korin=13;14.
<Efesa=4;4-6, Paikhiatna=20;3, 1Piter=1;2 > Pasian pen eite telkim zawh lo hi napi, Amah a zong Mite tung ah Amah leh a mah hong kilak in hong kitheisak hi zaw hi. Eite in Pasian ih theihna ding in Ihzong ding hi. Jeremiah=23;13, Pasian ihzon ding pen ih vai masa pen ih hisak ding hi. Matthai=6;33, Pasian in amah leh a mah hongki lahkhiatna atel pen in Zeisu Khrist a hi hi. Hebru =1;1-2, Johan=1;18, 14;19 < Rom=3;24-26, 1piter=1;15-16, Isaiah=6;3, 1Johan=4;8, Late=97;2, i Timoti=1;17, > Pa omzia in Tapa leh Khasiangtho sung ah ki dawk hi. Pa omzia zeisu tungpan kilangkhia hi. Johan=14;9, Hebru =1;2-3, Khasiangtho in PA leh Tapa hong lak hi. Johan=16;13-15, !!
Tawntung TAPA Pasian in ZEISU Khrist in hongpiang khia hi Ama tungtawn in na khempeuhte ki piangsak a a masung ah PASIAN omzia ki lang in A mahbektawh Mihingte Hotkhiatna nasep kizo thei a, Leitung te thuzong ki khen thei bek hi. Atawntung a Pasian pen Mi hing hongsuak a, Zeisu Khrist ahi hi. A mah pen Khasiangtho in ngaisak a Nu Ngak siangtho Mary sung ah hongpiang hi. Khasiangtho makaih na tawh Zeisu khrist sung a, Ama kilat nate ka teltheih zawk na ding in zon beh in . Mi dangten zong amah a theih na ding in ka huh ding hi.
PA!!
PA PASIAN A-tawntung Pa pen Hongpiangsak Pa, Kipat khiatna bulpi, A keempa, Aki piangsak khempeuh a ukpa ahi hi. Amah pen thu tang in siangtho a, Lainatna leh Itna leh Khualna tawh kidim in Heh hak a, Muanhuaina leh Itna kiptawh dim hi. TAPA leh Khasiangtho te sungah zong tua PA omzia leh Vangliatna te ki Mu thei hi.
PA Pasian in Piangsakpa, ki pat khiat na bulpi, a keempa, leh piansak khempeuhte ukpa ahi hi. Apiansakna te khempeuh, kisapnate Gal-et bekmawk lo in Nisial in amaute a nuntak na ding uh pia den hi.
#A mah in nakhempeuhte piangsak hi.Piancil=1;1, Mangmuhna=4;11.
#Amah in nuntakna khempeuh Bul-anak ah hi.Sawltak=17;28-29,
#Amah in nuntakna nei khempeuh a vak hi. Late=104;27-30.
#Amah in khuavannuai ah atawntung in uk hi. 1K0rin=15;28,
#Amah in muanhuaina ciampellohna leh ITna tawhkip hi Thuhilkikna=7;9, Paikhiatna=34;6
Pasian Sianthona leh a thu maanna in Mawhneite siat na kilanghsak hina pin Ama Itna leh khualna, leh Lainat na tawh kihel a Tuate asang Mi khempeuh tung ah maisakna leh Hotkhiatna a ngahsak hi.
#Amah in thutang a siangtho in hongkhual hi. Paikhiatna=37;7.
#Amah in eite ading lainatna leh itna hongnei hi.1Johan=1;9,Johan3;6.<1Piter=2;20-23, Johan=2;11, Hebru=1;3 Zeisu in sihnapan thokik a Vantung ah ciah to phot hi,A ma Mite a kiang ah omsak ding in Alading in Min than na tawh hongpai kik ding hi. Amah Honpa-a saang Mite ading in Ama thawhkik na in Tawntung nuntakna kicingsak hi. 1Korin=15;20-23, AMah in Tu in Vantung ah Eite Siampi Lian sem hi.Hebru=8;1-2, 7;25, 9;24. AMa mite honkhiading in hongpaikik ding hi. Sawltak=1;10-11, Johan=14;1-3. Amah in leitungpen a kibawlcil akawkbang lo din mun ah puahkik ding hi. Mangmuhna=21;1-5. < I Thes=4;16, Mang=1;7, 1Piter=3;13, Matt=24;30-31.
TAPA!!
PASIAN itna ki cian tak in lakzaw hi. Ama na lamdangbawlna te tawh Pasian vangliatna te leh Pasian hongkhap Messiah ahih na te ki langsak hi. Amah in a mah leh amah kipiak na tawh Singlamteh ah eite mawhna thaman ei thuakding pen hongthuaksak in hongsi a, ahi hang in sihna pan kiphongkik in Van ah kahto kik a Van Biakinn sung ah eite hongdeihsak na tawh Mawhphelna na sem hi. Amah in Minthan na tawh, amite honkhia ding in leh na khempeuh puah siang ding in hongpai kik lai ding hi. PASIAN in a ma omzia limlak ding in a TAPA Zeisu Khrist Mihing in hongpiangsak a, eite hon ding in ahong khap Messiah hi-in Leitungah Mihing-in hongnungta sak hi.
#AMah khasingtho in gaisak a, Mery sungpan hongsuakhi. Luka=1;26-27,35.
#Amah in Pasian taktaklah hi in , Mihingtak tak zong ah hi.Kolose=1;19, 3;9,Hebru=2;14
#Amah in eite honpa lah hi-in Thukhen mangpa lah ahi hi. Rom=6;23, Johan=3;26, 5;22.< Johan=10;30, Philippi=2;5-11, Hebru=2;9-18, Kolose=1;15-19, 2Korin=5;17-19. Leitung ah a omlai in Zeisu in Satan Zogawp a,Pasian thu maan na lakkhia in Eite a ding in Sihna sihna thuak hi.
#Amah in Mawhzolna te thuak a, ahih hang in mawhna bawllo hi, Hebru=4;15, 1Johan=3;5.
#AMah in Pasian Vangliatna dawk sak hi. Johan=6;14, 20;30,31.
#AMah in Pasian Omzia kicingtak in Dawksak hi.Johan=14;9.
#AMah in eite mawhna hang in eite taang ding in Sihna ah hong kipia hi. 1Korin=15;3-4. Pasian Tapa Zeisu pen leitung ah hongpai in Keibang mawhneite honding in hongsi hi. Cih thuleh tu in a mah in Vantung ah kei a ding in Siampi lian sem hi. Cih thu ka umhi, A mah Minthanna tawh hongpaikik ding hi cih um in lamenka hih man in maitai tak a a mah dawnding in ih kiging den ding hi.
KHASIANGTHO!!
Tawntung PASIAN Khasiangtho in , PA leh Tapa in Piansakna leh sunglutna leh Hotkhiatna nasep asep nate uh ah ki hel siksek hi, Laisiangtho gelh te zong a ma hu mop hi. Khrist nuntakna zong Vangliat na tawh tuam hi. Mihing te zong huai in Khelthei hi. Amah ana dawntuah Mite thaksuahsak in Khel in Pasian lim suunsak hi. PA leh TAPA sawlna bang in Pasian Mite ompih den a, Pawlpite tung ah Khalam nasepte puaksawn in Khrist ading Teci pang theiding in Vangpia a, Laisiangtho sung thute zuisak in thumaan om khempeuh tawh kituak in Gamta sak hi. Khasiangtho in Lutang Pasian te lak ah ahi hi. Amah in hih leitung leh leitung a nuntaak na neite PASIAN in a bawlma na ngawn in A mah Omzo hi. Laisiangtho zong a ma makaih-a Kigelh ahi hi.
#AMah pen piansakna nasepna ah kihel hi. Piancil=1;1-2.
#AMah in Khrist misunglut hong suah na nasepah ki hel hi. Luka=1;35
#Khrist in leitung hotkhiatna nasepna ah zong ki hel hi Sep pih hi. Luka=4;18.
#Amah in Laisiangtho gelhte a thu mop hi. 2Piter=1;21. <Johan=33;4, Rom=8;11-16, Sawl=8;38. Khasiangtho in Tu ni mahmah in zong Pasian kiang ah Mite Kaai-in Khristian te huh huh lai hi.
#AMah in PASIAN kiang ah Mite huup hi. Mang=22;17.
#AMah in Mite mawhna pan khel in Pasian maisakna ah puak hi. Johan=16;7-13.
#AMah in Pianthak theih na hongpuak hi.Joh=3;3-8.
#AMah in Mite sung ah Pasian lim piangthak sak hi. 2Korin =2;18.
#AMah in Pawlpite Thumaan om khempeuh ah makaih hi. Joh=14;26, 15;26-27.
#AMa makaih Thumaan pen Laisiangtho tawh kilem hi. ISaiah=8;20. A mahpen eite kiang ah om den a, honghansuah in hong huh den hi Joh=14;16-18. A mah in Pawlpite tungah khalam nasepte puak hi Efesa=4;11-12, iKor=12;4-11. A Mah in Khrist Teci Pan na ah Pawlpite Vaangpiahi. Sawltak=1;8. A Mah honghuhna te ih thudon kei leh AMah khasia thei ci hi Efesa=4;30. Khristian te Pumpi in Khasiangtho teen na Biakinn hi. 1Korin=6;12-20. Eite in Pasian Mite ih hih na Khasiangtho in hong ciamteh hi. Efesa=1;13-14. <Eze=36;26-27. Gal=5;22-23. Joel=2;28. 1Thes=1;5. Luka=12;11-12.
Pasin in A ma khasiangtho hongpia ding in hong khaam a hih man in ka lungdam hi. Amah in kasung ah Pasian lim hong kidawk sak thakzel na ding in ka deih hi. Nisial in ka nuntakna sung ah a mah kasamding a,Laisiangtho sung thumaan zui in a ma hong ma kaihna ding Thunget na tawh zong in Ama Vangliatna ka muangding hi. Kei hong kipia khalam nasepna te bang a hi hiam? zongkhia in , Minthan na ding in ka zangh ding hi. a ci kim thei ciat ding in Khasiangtho in lam hong lakden ta hen Amen . PASIAN in a piansakna khempeuh te ah a TAPA zangh hi Hebru=1;1-2.
Pasian thu pen Deihkaihthei hilo a, ki nialna in zang ni cileng laisiangtho mah tawh ki nialna ding tam mahmah hi. Tua a hih man in A VANGLIAT NA te kamtawh genzawh ding hilo a, zong Muh ban ding hilo hi, Leitung mikhempeuh a ki bang in a neu alian , Azawng a hau, APIL ASIAM deidan lo in hongtan zo hi, Leitung mite khempeuh Zeisu sisan in hong tan zong hi, a tuam kua mah ih omkei hi, Atawpdong na sim zawh leh Khasiangtho in honglawng ding a na lungsiam hongki lam dangsak ding hi, Lunglut tak in na sim un. Hih lai ah Thupha namkim om hi Na mu ding hi. napumpi bek hilo na kha mahmah zong hong tha hatsak ding hi, Laisim mimal Topa Pasian in thupha hongpia hen lungdam !!. a ban zom zel ni !!.
lungdam
KL-HKhai.
No comments:
Post a Comment